सर्वांना नमस्कार,

 ग्रामीण भागातील विद्यार्थी विद्यार्थिनींच्या शैक्षणिक गरज लक्षात घेऊन श्री मळाईदेवी शिक्षण संस्थेने व कासारशिरंबे गावातील ग्रामस्थांच्या सहकार्याने शिक्षणाची सोय उपलब्ध व्हावी म्हणून कासार शिरंबे गावामध्ये इयत्ता आठवी ते दहावी या  माध्यमिक विद्यालयाची स्थापना जून 1998 रोजी केली. सध्या विद्यालयात इयत्ता आठवी ते दहावीचे तीन वर्गांमधून 152 विद्यार्थी विद्यार्थिनी शिक्षण घेत असून पाच शिक्षक अध्यापनाचे कार्य करत आहेत तसेच तीन शिक्षकेतर कर्मचारी म्हणून कार्यरत आहेत.विद्यालयाचा इयत्ता दहावी मार्च 2024 चा निकाल शंभर टक्के लागलेला आहे.तसेच विद्यार्थ्यांच्या अंगी असणाऱ्या कलागुणांना वाव मिळावा म्हणून विद्यालयांमध्ये शालेय व सहशालेय उपक्रमांचे आयोजन केले जाते.जसे की, पाककला, रांगोळी, चित्रकला, मेहंदी, वक्तृत्व, निबंध, पुष्परचना इत्यादी विद्यालयाने ग्रामीण भागात अल्पावधीतच खूप नावलौकिक मिळवला आहे आणि आताही संपूर्ण शाळा डिजिटल शाळा म्हणून नावारूपाला आली आहे.तसेच विद्यालयांमध्ये शालेय व सहशालेय क्रीडा स्पर्धा शालेय बाह्य स्पर्धा परीक्षा इत्यादी क्षेत्रांमध्ये सुद्धा शाळेने आपले स्थान शिक्षण क्षेत्रामध्ये भक्कम उभारले आहे. संस्थेच्या मार्गदर्शनाखाली सामाजिक बांधिलकी आणि गुणवत्ता या दृष्टिकोनातून विद्यालयाच्या माध्यमातून अनेक सामाजिक, शैक्षणिक उपक्रम आणि  पर्यावरण पूरक उपक्रम केले जातात.

 आपणा सर्वांचे मनःपूर्वक धन्यवाद !!!